និន្នវារណ៍ ១
ន. ការហាមឃាត់របស់រដ្ឋមិនឱ្យនាវាបរទេសចេញពីកំពង់ផែរបស់ខ្លួន។
និន្នវាណ៍ ២
ន. ការហាមឃាត់មិនឱ្យនាំចេញនូវទំនិញខុសច្បាប់មួយចំនួនដូចជាគ្រឿងអាវុធនិងគ្រាប់រំសេវឬគ្រឿងញៀនឆ្ពោះទៅកាន់រដ្ឋណាមួយជាកំណត់។ និន្នវារណ៍អាចអនុវត្តបានទាំងនៅពេលមានសង្គ្រាមទាំងនៅពេលមានសន្តិភាព។ នៅពេលមានសង្គ្រាម ការអនុវត្តនិន្នវារណ៍មានទម្រង់ជាការរាំងខ្ទប់សេដ្ឋកិច្ច។ នៅពេលមានសន្តិភាព គេអនុវត្តនិន្នវារណ៍ជាមធ្យោបាយ ដើម្បីគាបសង្កត់នយោបាយនិងសេដ្ឋកិច្ចចំពោះប្រទេសមួយផ្សេងទៀត ។ ការហាមឃាត់ជាបណ្តោះអាសន្នមិនឱ្យនាវាចេញពីកំពង់ផែ; ការហាមមិន ឱ្យផ្សាយ; ការរឹបអូស។
♥ ដកស្រង់ចេញពី "សទ្ទានុក្រមពាក្យថ្មី" រៀបរៀងដោយសាស្ត្រាចារ្យ ទូច គីមស្រ៊ាង (សមាជិកក្រុមប្រឹក្សាជាតិភាសាខ្មែរ)
